"Әркімнің өз отбасы бар": Mysterions тобының жігіттері қазір қайда жүр?

Соңғы клиптерін осыдан алты жыл бұрын түсірген "Mysterions" тобының жігіттері қазіргі өмірлері жайлы айтып берді. NURTV.KZ-тің "Клип Show" бағдарламасына келген әншілер бүгінде әрқайсысының отау тігіп, балалы болғандарын жеткізді деп жазады KAZ.NUR.KZ.

Бағдарламаға топтың үшінші әншісі Ілияс Харов келе алмаған. Ал Дильен өзінің бүгінде отбасылы екенін мәлім етті.

"Әрқайсысының өз үйі, жанұясы бар. Ең бастысы сол. Мен ата-анаммен тұрамын.

Алты жыл өтіп кетті дегенге сенбеймін. Маған әрі кетсе, екі жыл ғана өткен сияқты. Осыған дейін отбасын құрдық. Гастрольдік сапарлармен жүрдік", - дейді топтың әншісі Дильен.

Естеріңізге сала кетейік, "Mysterions" тобының әншісі Арман Қоңырбаев Аша Матаймен отбасы құрған. Бүгінде олардың ортақ бір қыздары бар.

Ал топтың тағы бір мүшесі Дильен де осыдан екі жыл бұрын хиджабты аурмен шаңырақ көтеріп, бір ұлдың әкесі атанып отыр.