RU

Жыланмен бірге селфи жасамақ болған азамат ауруханадан бір-ақ шықты

Ресейдің Красноярск қаласында оқыс оқиға орын алды. Жергілікті "Столбы" қорығына барып, жыланмен селфи жасамақ болған ер адам жорғалаушының шабуылына тап болған. Жылан оны шағып алып, азамат аурухадан бір-ақ шыққан деп хабарлайды islam-today.ru-ге сілтеме жасаған KAZ.NUR.KZ.

Көрнекі фото: Lenta.ru
Көрнекі фото: Lenta.ru: Facebook

Ер адамның досының айтуынша олар 26 мамыр күні қорыққа барған. Жолда олар ұзындығы 30-40 см болатын қара жыланды кездестірген.

"Басында жыланды мен де ұстаған едім. Ол мені тістегісі келді, бірақ мен мүмкіндік бермедім. Ал досымның оң қолының үлкен саусағын тістеп алды. Біз оның улы жылан екенін білмедік", - дейді ол.

Біраз уақыттан кейін оның досының қолы түгелдей ісіп кеткен. Олар сол арада жедел-жәрдем шақырған екен. Мамандар ер адамның қолы улы жыланның әсерінен ісіп кеткенін анықтаған.

Бүгінде ер адам ауруханада жатыр. Ол тек бір аптадан кейін ғана үйіне жөнелтілетін көрінеді.

Мақаланың түпнұсқасы: https://kaz.nur.kz/1796471-zylanmen-birge-selfi-zasamak-bolgan-azamat-auruhanadan-bir-ak-sykty.html