RU

ШҚО-да таныстарының атына несие рәсімдеген алаяқ ұсталды

Бір жарым жылда 47 жастағы Семей тұрғыны таныстарының сеніміне кіріп, олардың аттарына ақшалай несие рәсімдеп келген. Бүгінгі таңда осындай жеті факті тіркелген деп хабарлайды «NewTimes.kz» агенттігіне сілтеме жасаған KAZ.NUR.KZ.

ШҚО тұрғыны алаяқтық жолмен таныстарына несие рәсімдеген
Фото: Петр Карандашов/NUR.KZ: Original

Жалпы шығын көлемі төрт миллион теңгеден асады.

"Соңғы күндері Семей қаласының полиция басқармасына Бесқарағай ауданының тұрғындарынан бірнеше арыз түсті. Тергеу нәтижесінде 47 жастағы әйел адамның бір жарым жыл бойы таныстарының сеніміне кіріп, оларға ақшалай несие рәсімдегені анықталды. Құжаттарды өткізгеннен кейін ол таныстарына несие мақұлданбағанын айтып, ақшаны өзіне қалдырып отырған", - деді ведомство өкілдері.

Аталмыш факті сотқа дейінгі тергеулердің бірыңғай реестріне "Алаяқтық" бабы бойынша тіркелді.

Сотқа дейінгі тергеу жұмыстары атқарылуда.

Мақаланың түпнұсқасы: https://kaz.nur.kz/1796530-sko-da-tanystaryny-atyna-nesie-rsimdegen-alaak-staldy.html