RU
Дания Еспаева да теледебатқа қатыспайтын болды
Жаңалықтар Саясат және экономика

Дания Еспаева да теледебатқа қатыспайтын болды

Рассказать Вконтакте

Қазақстан президенттігіне үміткер Дания Еспаева бүгін өтетін теледебатқа қатыспайды. Бұл туралы zakon.kz сайтына сілтеме жасаған KAZ.NUR.KZ хабарлайды.

Фото: КТК

Фото: КТК

"Ақ жол" партиясының баспасөз қызметінде хабарлағандай, үміткер Еспаеваның сапарлары мен іс-шараларының желілік кестесі теледебатты өткізу туралы ақпарат белгілі болғанға дейін жоспарланып қойған.

"Біз бірден Орталық сайлау комиссиясына Дания Еспаеваның сол күні сапарда болатынын және теледебатқа қатыса алмайтынын хабарладық...", - деп мәлімдеді партияның баспасөз қызметі.

Хабарламада айтылғандай, дебатқа кандидат өкілінің қатысуға мүмкіндігі бар. Сондықтан, пікірталаста Еспаеваны "Ақ жол" партиясының басшысы Азат Перуашев таныстырады.

Айта кетейік, мемлекет басшысы Қасым-Жомарт Тоқаев та сайлауалды теледебатқа қатыспайды.

Еске сала кетейік бүгін, 29 мамырда президенттікке үміткерлер арасында сайлау алдындағы пікірталас өтеді. Теледебатты "Хабар" арнасы кешкі сағат 18-00 де тікелей эфирден көрсетеді.

Орталық сайлау комиссиясы ҚР Президентінің кезектен тыс сайлауына жеті кандидатты тіркеген. Олардың қатарында: Қасым-Жомарт Тоқаев, Садыбек Түгел, Амангелді Таспихов, Дания Еспаева, Төлеутай Рақымбеков, Жамбыл Ахметбеков және Әміржан Қосанов бар.

Кандидаттардың сайлауалды үгіт-насихат жұмыстары 11 мамырдан 7 маусымға дейін жалғасады. Тыныштық күні 8 маусымда басталады.

ҚР Президентінің сайлауы 9 маусымда өтеді. Алдын ала қорытынды 10-11 маусымда жасалады. Сайланған президентті тіркеу 16 маусымнан кешіктірілмей жүргізіледі.

Сіздің реакцияңыз
5
1
0
0
0
0
0
Спасибо за Ваше мнение Вы уже голосовали
Тағы да оқыңыздар
Жүктеу...
Mailfire view pixel