Қазақстандықтарға арналған шетелдік тегін бағдарламалар қандай?

Қазақстандық студенттер мен жоғарғы сынып оқушылары үшін шетелде білім алу халықаралық бағдарламалардың арқасында қол жетімді болды. Әлемнің ең үздік университетінде білім алу мүмкіндігін жіберіп алмаңыз. Бұл ақпарат - ақылды да талапты қазақстандықтар қатыса алатын білім беру бағдарламалыры бойынша өзіндік бір компас.

Жақсы білім - адамның өз кәсібінде тұлға болып қалыптасуының кепілі, қаржылық әл-ауқатының негізі.

Білім заманауи технологиялық және ақпараттық әлемде жоғары бағаланады. Көптеген қазақстандықтар ҚР-да базалық білім алып, шетелде кәсіби даярлықтан өтуге мүмкіндік іздеуде. Бұл жастардың тек сапалы білім алу ниеті ғана емес, таңдаған кәсібіндегі ең өзекті біліммен сусындауымен түсіндіріледі.

Сондай-ақ, олардың шетелде оқығандығы туралы түйіндемедегі жазба болашақ мамандардың еңбек нарығындағы құнын арттырады. Шетелдік білім берудің мұндай артықшылықтары адамды баурағанымен, көпшілігін баға мәселесі көбірек қызықтырады.

Сапалы білімнің арзан тұрмайтыны құпия емес. Дегенмен дарынды студенттер үшін шығу жолы бар. Халықаралық ұйымдар мен кейбір мемлекеттердің үкіметі құрған бірқатар стипендиялық бағдарламалар бар. Олардың арқасында шетелде тегін оқуға болады.

Қазақстан азаматтарының шетелде тегін білімді қалай ала алатынын және қандай талаптар болатыны туралы толығырақ баяндаймыз:

Қытай

Конфуций институты — Қытай университеттерінің магистратурасында тегін дайындықты көздейтін стипендиялық бағдарламалардың бас бенефициары.

Бұл мәдени-білім беру халықаралық желісі Қытай мәдениеті мен тілінің бүкіл әлем бойынша таралуына қолдау көрсету және ықпал ету мақсатын қойып отыр. Осыған байланысты қытай тілін жақсы меңгерген қазақстандықтардың ҚХР-дің кез келген жоғары оқу орнының магистратурасында гуманитарлық білім алуға мүмкіндігі бар.

Аталған бағдарламамен білім алғысы келетіндерге негізгі үш талап қойылады:

1. Бакалавр дәрежесін растайтын дипломның көшірмесі.

2. Қытай тілі мен әдебиеті пәнінің оқытушысы мамандығы бойынша міндетті бес жылдық жұмыс. Бұл талапты ізденуші құжат жүзінде растайды.

3. Тілді жоғары деңгейде білу (HSK 3-тен 270 балл және НЅКК бойынша 60 балл).

Байқауға құжаттарды студенттер онлайн түрде тапсырады. S.chinese.cn сайтында өтінім мен сауалнама толтырылады. Оған осындай формуларлардың сканерленген көшірмелерін қоса тіркеледі:

1. Талапкер даярлаудан өткен жоғары оқу орнының сынақ кітапшасынан алынған көшірме. Оны ағылшын немесе қытай тіліне аудару керек.

2. Фотосуреті бар төлқұжат беттері.

Шәкіртақы алу бойынша қосымша кеңестерді Қазақстанның Қытайдағы елшілігі береді.

Германия

Endeavour Awards және DAAD - дамушы елдердің өкілдеріне Германияда оқуға мүмкіндік беретін стипендия алуға арналған екі бағдарлама. Олардың қатарына Қазақстан да кіреді.

Біздің отандастарымыз Берлин университетінің магистратурасы мен аспирантурасында тегін оқуға мүмкіндік алады. Бұл ЖОО бакалавр мен ғылыми дәрежеге ұмтылған талапкер— ғалымдарды даярлаудан өткізуді ұсынады.

Іріктеудің міндетті талаптары бар:

• дамушы елдің азаматтығы (бұл төлқұжаттың көшірмесімен расталады);
• ұлттық компаниялармен (мемлекеттік, қоғамдық, жеке) ынтымақтастық немесе технологияларды дамыту саласында, экономикалық немесе әлеуметтік салаларда жобаларды жүргізуге тарту;
• базалық жоғары білімнің болуы (бакалавр);
• таңдалған кәсіп бойынша кемінде 2 жыл жұмыс істеу;
• алты жылдан аспайтын ғылыми дәрежесінің болуы (аспиранттар үшін).

Үміткерлерді іріктеу конкурстық негізде жүргізіледі. Осы бағдарламаларға қатысу үшін ЖОО-на мыналарды ұсыну қажет:

1. Орта білімі туралы аттестат немесе бакалавр дипломы (көшірмелері). Олар ағылшын тіліне аударылып, нотариустан расталған ағылшын тіліне аударма жасаған нұсқасын беріледі.

2. Шетелдік азаматтығын куәландыратын төлқұжаттың немесе кез келген басқа құжаттың көшірмесі немесе ксерокөшірмесі.

В. Гумбольдт атындағы Берлин университетінде өмірбаян жазып жіберуді де талап етеді. ЖОО сайтында ізденуші арнайы өтінім нысанын толтыруы тиіс.

Ұлыбритания

Қазақстандық ЖОО түлектерін The London School of Economics and Political Science магистратурасы күтеді. Бұл рейтингі жоғары, беделді оқу орнында халықаралық экономистер, саясаттанушылар мен саясаткерлер дайындықтан өтеді.

Ұлттық және әлемдік саясат пен экономиканың даму стратегиясын қалыптастыратын жоғары эшелон элитасын даярлау — Лондондық экономика мектебінің басты міндеті.

Қазақстандықтар Британ үкіметі бекіткен Chevening стипендиясы арқылы осында тегін оқуға түсуге мүмкіндік алды.

Талапкерге қойылатын басты талаптар:

1. Біріккен Корольдіктің азаматтығы және Ұлыбританияның үкіметтік немесе мемлекеттік ұйымдарының мүшелерімен туыстық қарым-қатынаста болмау.

2. Бакалавр дәрежесі (дипломның скан көшірмесі қоса беріледі).

3. Мамандығы бойынша міндетті екі жылдық жұмыс өтілі (үміткер жұмыс істеген ұйымнан тиісті үзіндімен немесе құжатпен расталады).

Конкурсқа қатысу үшін құжаттар тек онлайн түрде беріледі. Өтініш беруші сауалнаманы толтыру қажет. Оның негізінде комиссия стипендия беру туралы шешім қабылдайтын болады.

АҚШ

АҚШ-та техникалық және гуманитарлық саладағы мамандар білім ала алады. Ең қуатты және беделді Гарвард және Массачусетс университеттері қазақстандықтарға степендия ұсынады.

Бұл университеттерде оқуға Қазақстанның жоғары ұлттық оқу орындарының бакалавр — түлектері, сонымен қатар аспиранттар мен докторанттар шақырылады.

Үміткерлер ұсыным хаттарынан басқа, олардың жалпы жоғары білім алғанын растайтын құжаттарды ұсынуы тиіс:

• аспирантура үшін - бакалавр дипломының көшірмесі;
• магистратура үшін - академиялық табыстылық кітапшасының (сынақтың) көшірмесі және оның ағылшын тіліне нотариалды куәландырылған аудармасы.

Эдмунд Маски стипендиясын алу үшін IREX кеңсесіне өтінім жолдаңыз және irex.org сайтындағы сауалнаманы толтырыңыз.

Фулбрайт бағдарламасына қатысуға ниет білдірген қазақстандықтар Қазақстандағы Америка елшілігіне құжат тапсырады. Ол үміткерлерді іріктеудің бастапқы кезеңін жүргізеді.

Егер бұл кезең сәтті өткен болса, онда құжаттарды тікелей АҚШ-та арнайы комиссиялар қарайды.

Фулбрайт қазақ тілін үйренушілерге қолдау көрсетеді. Америкалық колледждер мен университеттерде қазақ тілін оқыту үшін FLTA арнайы бағдарламасы құрылды. Ол 9 айға созылады, бірақ академиялық дәреже алуды көздемейді. Оған студенттер мен бакалаврлар қатыса алады:

• "Ағылшын филологиясы", "Аударма" мамандықтары бойынша білім алған, сондай-ақ ағылшын тілі оқытушылары;
• 21 жастан кіші емес және 29 жастан аспағандар;
• мамандығы бойынша 2 жылдан кем емес және 8 жылдан артық емес жұмыс тәжірибесі бар;
• қазақ тілін еркін меңгерген;
• іріктеу уақыты бойы елден тыс жерге шықпаған Қазақстан азаматтары.

Бұл бағдарламалар бойынша іріктеу ашық және объективті түрде жүргізіледі, бұл талантты студенттер мен ғалымдар үшін үлкен артықшылық болып табылады.

Жоғарыда көрсетілген ақпараттан басқа, стипендия алу үшін мына дүниелердің қажет болатынын ескеріңіз:

1. Ұсыныс хаттар. Облыс ізденушісіне ғылым докторлары немесе кандидаттары қол қойған екі-үш хат жеткілікті. Бұл хаттарды ағылшын немесе қытай тіліне аударып, (Конфуций Институтының Стипендиясы үшін) нотариустардан растау қажет.

2. Оқу бағытын таңдау негіздемесі жазылған уәждемелік хат.

Халықаралық алмасу бағдарламасы бойынша кез келген шетелдік жоғары оқу орнына түсудің міндетті шарты — шет тілін жоғары деңгейде, яғни тілді өз бетінше меңгеру (А1 немесе В1) деңгейінде білу. Байқау комиссиясы талап ететін тілдерді білу сертификаттары (түскен еліне байланысты):

• ағылшын тілі — TOEFL, IELTS немесе GMAT, GRE;
• неміс тілі — TestDaF, DSD II, OnDaF, DSH;
• қытай тілі — HSK мен HSKK.

Құжаттарды берудің қарапайымдылығы (онлайн) болашақ студенттердің алдында бірнеше конкурстық стипендиялық бағдарламаларға бір мезгілде құжаттарды беру мүмкіндігін ашады.

Халықаралық білім беру орталықтары белгілі бір саладағы жетекші компаниялармен байланыс жасап, бүкіл әлем бойынша зерттеулер жүргізеді.

Бұл Қазақстанның студенттеріне Басты дереккөзден алған ең өзекті білімді меңгеруге, заманауи жетістіктерді, оларды қызықтыратын салада болып жатқан негізгі үрдістерді зерттеуге мүмкіндік береді.

Алдағы уақытта ел көптеген халықаралық байланыстары бар жоғары білікті мамандарға қол жеткізеді.