Қарағанды облысында тағы бір бала терезеден құлап кетті

Кеше 2 маусымда Қарағанды облысында кезекті келеңсіз жағдай орын алды. Кішкентай бала жоғарғы қабаттың терезесінен құлап кетті деп хабарлайды KAZ.NUR.KZ.

Оқиға Шет ауданындағы Ағадыр елді мекенінде орын алды.

Ата-анасының қарауынсыз қалған үш жастағы бала үшінші қабаттан құлап кеткен.

"2016 жылғы бала жарақатпен ауруханаға түсті. Бүлдіршіннің жасына байланысты ешқандай қауіп сезілмейді. Ата-аналарға балаларын көзден таса етпеуді тағыда ескертеміз", - деді Қарағанды облыстық төтенше жағдайлар департаментінің ресми өкілі Жанна Дәуренбекова.

Еске сала кетсек, Сәтпаевта төрт жасар бала бесінші қабаттан құлап, оқиға орнында қаза тапты.