RU

Тоқаев Нұр-Сұлтанда жиналған көпбалалы аналармен кездесуді Сағынтаевқа тапсырды

Қасым-Жомарт Тоқаевтың тапсырмасы бойынша президент әкімшілігінің басшысы Бақытжан Сағынтаев Үкімет үйінің алдына жиналған көпбалалы аналармен кездесті деп хабарлайды KAZ.NUR.KZ.

Тоқаев Сағынтаевқа Нұр-Сұлтанда жиналған көпбалалы аналармен кездесуді тапсырды
Фото: express-k.kz: Getty Images

Бұл туралы мемлекет басшысы Twitter парақшасында жазды.

"Менің тапсырмам бойынша, президент әкімшілігінің басшысы Бақытжан Сағынтаев пен үкімет өкілдері кездесу өткізді", - деп жазды президент.

Тоқаевтың сөзінше, бүгін, 4 маусым күні жұмыс тобы көпбалалы аналардың мәселелерін қарайды.

"Мәселелерді Заң бойынша, тыныш, іскерлік жағдайда шешу керек", - деді мемлекет басшысы.

3 маусым күні 70 жуық көпбалалы ана үкімет үйінің алдына жиналып, мемлекет басшысымен кездесуді талап еткен еді.

Аналардың басты талабы жалдамалы емес, жекешелендіруге болатын баспана алу еді.

Мақаланың түпнұсқасы: https://kaz.nur.kz/1797557-tokaev-nr-sltanda-zinalgan-kpbalaly-analarmen-kezdesudi-sagyntaevka-tapsyrdy.html