RU

АҚШ-та Қазақстан президентіне дауыс беру басталды

АҚШ-та сайлау учаскелері ашылды. Бұл елде жүрген қазақстандықтар президенттікке үміткерлерге дауыс бере алады деп хабарлайды "Хабар" арнасына сілтеме жасаған KAZ.NUR.KZ.

АҚШ-та Қазақстан президентін сайлау басталды
Фото: Видеодан скриншот: UGC

Вашингтон мен Нью-Йорк қалаларында сайлау учаскелері ашылды. Қазақстандықтар президент сайлауында дауыс беру үшін ұзақ жол жүрулеріне тура келеді.

Олардың арасында Геннадий Головкиннің жанкүйерлері де баршылық.

Отандасымыз Эдуард Ким АҚШ-қа GGG жекпе-жегін көруге барған.

"Ол бұлтартпас жеңіске қол жеткізді. Бәрінің көңіл-күйі тамаша. Арнайы сайлау учаскеме барып, Нью-Йоркте сайлауға қатысатыным туралы қағаз алып, мұнда бірінші болып келдім", - деді ер адам.

Еске сала кетейік, Қазақстанда кезектен тыс президент сайлауы аяқталды. Еxit poll-дың алдын ала қорытындысы бойынша президенттікке таластың жеңімпазы Қасым-Жомарт Тоқаев болды. Оған 70% аса сайлаушылар дауыс берген.

Мақаланың түпнұсқасы: https://kaz.nur.kz/1798713-aks-ta-kazakstan-prezidentin-sajlau-bastaldy.html