RU
Мирзиёев, Жээнбеков, Рахмон Тоқаевты сайлаудағы жеңісімен құттықтады
Жаңалықтар Саясат және экономика

Мирзиёев, Жээнбеков, Рахмон Тоқаевты сайлаудағы жеңісімен құттықтады

Рассказать Вконтакте

Өзбекстан Республикасының президенті Шавкат Мирзиёев, Қырғыз Республикасының президенті Сооронбай Жээнбеков, Тәжікстан Республикасының президенті Эмомали Рахмон Қасым-Жомарт Тоқаевты президент сайлауындағы жеңісімен құттықтады деп хабарлайды Ақордаға сілтеме жасаған KAZ.NUR.KZ.

Фото: NUR.KZ

Фото: NUR.KZ

Қырғыз Республикасының президенті Сооронбай Жээнбеков Қасым-Жомарт Тоқаевты Қазақстан Республикасының президенті сайлауындағы жеңісімен құттықтады.

Тараптар екі ел халықтарының тату көршілік және достық негіздегі қазақ-қырғыз қатынастарын одан әрі нығайтуға ниетті екенін нақты айтты.

Сонымен қатар, президенттер алдағы кездесулердің кестесін қарастырды.

Өзбекстан Президенті Шавкат Мирзиёев те Қасым-Жомарт Тоқаевты президент сайлауындағы айқын жеңісімен құттықтады.

Қасым-Жомарт Тоқаев Шавкат Мирзиёевке құттықтағаны үшін ризашылық білдіріп, бауырлас елдер арасындағы ынтымақтастықты жан-жақты әрі қарқынды ілгерілету жөніндегі Елбасы Нұрсұлтан Назарбаевтың ұстанған саясатын жалғастыратынын атап өтті.

Мемлекеттер басшылары Қасым-Жомарт Тоқаевтың биылғы 14-15 сәуірде Өзбекстанға жасаған мемлекеттік сапарының нәтижесінде қол жеткізілген уағдаластықтардың тиімді жүзеге асырылуы қазақ-өзбек қарым-қатынастарының дамуына тың серпін беретініне сенімділік білдірді. 

Сондай-ақ, Тәжікстан президенті Эмомали Рахмон Қасым-Жомарт Тоқаевты сайлаудағы жеңісімен құттықтады.

Мемлекеттер басшылары Қазақстан мен Тәжікстан арасындағы стратегиялық әріптестіктің одан әрі қарқынды дамитынына сенім білдірді.

Тараптар алдағы кездесулердің кестесін талқылады.

Сіздің реакцияңыз
6
0
0
0
1
0
0
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel