Еркін Нұржанов "Жігіттер" тобынан неге кеткенін ашық айтты

Отандық эстрада жұлдызы Еркін Нұржанов "Жігіттер" квартетінен не үшін кеткенін ашық айтты. Әнші бұл туралы "Қарақатпен шай" бағдарламасында мәлімдеген деп хабарлайды KAZ.NUR.KZ.

Көптеген хит әндердің орындаушысы топта жүрген кездерін сағынатынын айтты.

"Достықты сағынамын. Сол кездегі бірге жүрген күндерді сағынамын. Жігіттермен ешқандай да қатты сөзге келіп, келіспеушілік болған емес. Басшылықпен сөзіміз бір жерден шықпай қалды. Ойымыз бір жерден шықпай қалды. Содан "тәтті ауыздың дәмін кетірмей" деген сияқты сөз бар ғой қазақта", -деді Еркін Нұржанов.

Сонымен қатар, әнші неліктен Шымкент қаласына қоныс аударғанын да түсіндірді.