RU

Елордалық тұрғын докторлық диссертация жазғызамын деп оңбай алданып қалды

Семейлік азаматқа докторлық диссертация жаздырмақ болған Нұр-Сұлтан қаласының тұрғыны алданып қалды деп хабарлайды ҚазАқпарат агенттігі.

Көрнекі фото: textexpert.ru
Көрнекі фото: textexpert.ru: Facebook

10 маусым күні Семей қаласының полиция басқармасына астаналық әйелден арыз түскен.

43 жастағы елорда тұрғыны өзі дұрыс танымайтын адамға докторлық диссертация жаздыру үшін 1,5 млн теңге ұстатқан. Алайда, уәдені үйіп-төккен азамат қолына ақша тиген күні-ақ телефонын сөндіріп, хабарсыз кетіпті.

"Жедел іздестіру шараларының арқасында күдіктінің 56 жастағы қала тұрғыны екені анықталды. Күдікті өз кінәсін толық мойындады. Қазір оның үстінен Қылмыстық кодекстің 190-бабы 1-бөлігі бойынша сотқа дейінгі тергеу басталды", - делінген ШҚО полиция департаментінің баспасөз қызметі таратқан ақпаратта.

Мақаланың түпнұсқасы: https://kaz.nur.kz/1799278-elordalyk-jel-doktorlyk-dissertacia-zazusyga-aldanyp-kaldy.html