Тоқаев Ұлттық қоғамдық сенім кеңесін құруды тапсырды

Мемлекет басшысы Қасым-Жомарт Тоқаев "Қазақстан Республикасы президентінің жанындағы Ұлттық қоғамдық сенім кеңесін құру туралы" заңға қол қойды деп хабарлайды Ақорда.

Тиісті жарлық президенттің ресми сайтында жарияланды.

Қазақстан Республикасы Конституциясының 44-бабы 20) тармақшасына сәйкес ҚАУЛЫ ЕТЕМІН:

1. Қазақстан Республикасы Президентінің жанындағы Ұлттық қоғамдық сенім кеңесі (бұдан әрі – Кеңес) құрылсын.

2. Қазақстан Республикасы Президентінің Әкімшілігі бір айлық мерзімде:

    1) саяси партиялар, үкіметтік емес ұйымдар көшбасшыларымен, азаматтық сектор өкілдерімен Кеңесті қалыптастыру және оның жұмыс тәртібі мәселелері бойынша консультациялар өткізсін;

    2) өткізілген консультациялар қорытындылары бойынша Қазақстан Республикасы Президентінің қарауына Кеңестің құрамы мен Кеңес туралы ережені енгізсін.

 3. Осы Жарлық қол қойылған күнінен бастап қолданысқа енеді.