RU

ШҚО-да бұрынғы аудан әкімі көз жұмды

Шығыс Қазақстанда Абай ауданының бұрынғы әкімі Тұрсынғазы Мүсәпірбеков қайтыс болды. Оның денесі Өскемендегі Үлбі өзенінің жағалауынан табылған деп хабарлайды Хабар24.

Найзағай. Иллюстрациялық фото: pixabay.com. Тұрсынғазы Мүсәпірбеков. Кадр: Хабар 24
Найзағай. Иллюстрациялық фото: pixabay.com. Тұрсынғазы Мүсәпірбеков. Кадр: Хабар 24: UGC

Телеарнаның мәліметінше, ең алдымен полиция бөлімшесіне қала тұрғыны қоңырау шалып, өзен бойында бір адамның қимылсыз жатқанын хабарлаған.

Жедел жеткен тергеу тобы 66 жастағы ер адамың денесін тапқан. Қазір сот медициналық сараптама жүргізілуде.

Алдын ала ақпарат бойынша қасақана кісі өлтіру белгілері байқалмайды. Марқұмға найзағай түсті деген болжам бар.

Тұрсынғазы Мүсәпірбеков – түрлі мемлекеттік қызмет тізгінін ұстаған өлкеге танымал азамат.

Марқұм 10 жылдай Семей қаласы әкімінің орынбасары болып еңбек етсе, 2011-2017 жылдары Абай ауданы әкімі болып қызмет атқарған.

Мақаланың түпнұсқасы: https://kaz.nur.kz/1799821-sko-da-bryngy-kim-kz-zmdy.html