RU

"Қазақстанда қос өкіметтік болмайды": Тоқаев Назарбаевпен қарым-қатынасы жайында айтты

Қазақстан президенті Қасым-Жомарт Тоқаев Euronews.com берген сұхбатында жұмыс барысы жөнінде және президент болатынын қалай білгенімен бөліcті деп хабарлайды KAZ.NUR.KZ.

"Қазақстанда қос өкіметтік болмайды": Тоқаев Назарбаевпен қарым-қатынасы жайында
Фото:NUR.KZ: Original

Мемлекет басшысы еліміздің Тұңғыш президенті Нұрсұлтан Назарбаев саясаттан қол үзбегенін және негізгі стратегиялық мәселелерде онымен ақылдасуды жөн санайтынын хабарлады. Тоқаев Назарбаевтан үнемі кеңес сұрайтынын мәлімдеді.

Сондай-ақ президент Елбасы елде қос өкіметтілік болмайтынын өзі айтып, президентке көмектесетінін айтқанын еске алды.

Тілшінің президенттікке сайланбай қаламын ба деген күдік болды ма деген сұрағына Қасым-Жомарт Тоқаев әрдайым күдік болатынын жеткізді.

Ол бұрын елдің премьер-министрі, 10 жыл бойы сенат төрағасы және үш жыл бойы БҰҰ Женевадағы кеңсесінің басшысы болғанын еске салды.

Мемлекет басшысы Қазақстан азаматтарына да, шетелде де белгілі тұлға екенін баса айтып өтті.

Мақаланың түпнұсқасы: https://kaz.nur.kz/1799927-kazakstanda-kos-kimettik-bolmajdy-tokaev-nazarbaevpen-karym-katynasy-zajynda-ajtty.html