Выйти
RU

Ақтауда балаларды сағаттап орындықта отырғызған тәрбиешілер жұмысынан қуылды

Рассказать в Telegram Рассказать Вконтакте

Ақтаудағы №55 балабақша тәрбиешісі мен екі күтуші балаларға ойыншықпен ойнауға тыйым салып, сағаттап орындықта отырғызған деп хабарлайды "Лада" сайтына сілтеме жасаған KAZ.NUR.KZ.

Ақтауда балабақша тәрбиешілері балаларға қол көтеріп, сағаттап орындықта отырғызған

Фото: Видеодан скриншот

Балабақшадағы бақылау камералары тәрбиешінің балаларды ұрған сәтін түсіріп алған. Арнайы комиссия құрылып, тәрбиешілер жұмыстан шығарылды.

Камера жазбасынан тәрбиешілердің балаларды орындықтан тұрса болды, ұратынын көруге болады.

"Неткен сұмдық. Балаларымыз қорқып қалған. Тіпті дәретханаға барған кезде тәрбиешінің жанынан сескеніп өтеді. Ойыншық та, ойын да жоқ. Біз екі сағаттық видео көрдік. Сол уақыт бойы балалар орындықта отырды, ал қызметкерлер соткаға үңіліп, біреуі тіпті ұйықтап жатты. Бала орнынан тұрғаны үшін оны басынан, қолынан ұрып, тіпті құлағынан тартқан. Ал біз келгенде күлімдеп қарсы алатын", - дейді наразы ата-аналар.

№ 55 балабақша директоры қазір демалыста. Ақпарат жария болғаннан кейін қалалық білім беру бөлімі арнайы комиссия құрды.

"Қазір бәрін анықтап жатырмыз. Әрбір видео зерттелді. Бұл топтың қызметкерлері жұмыстан босатылды. Бәрін анықтаймыз", - деді Ақтау қаласының білім бөлімі.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Ақтауда балаларды сағаттап орындықта отырғызған тәрбиешілер жұмысынан қуылды