Димаш Нұр-Сұлтандағы концерттен түскен қаражаттың бір бөлігін арыстықтарға береді

Нұр-Сұлтанда жеке концертін өткізген Димаш Құдайберген ақшаның бір бөлігін арыстықтарға беруді шешті деп хабарлайды Sputnik Казахстан-ға сілтеме жасаған KAZ.NUR.KZ.

Әнші шоудың соңында көпшіліктің одан Арыста болған оқиғадан кейін концерттен бас тартудың қажеті жоқ па деп сұрағанын айтты.

Алайда Димаштың жанкүйерлері шоу үшін басқа елдерден келгендіктен ол бұлай істей алмаған.

Димаш Құдайберген іс-шараны өткізуден бас тартпай, Арыс қаласындағы жарылыстардан зардап шеккендерге көмек көрсетуге өз үлесін қосуды шешті.

"Концерттен түскен қаражаттың бір бөлігін біз Арысқа жібереміз. Бұл менің қаражатым емес. Бұл сіздердің ағаларымызға деген көмектеріңіз. Үлкен рахмет!", - деді әнші.

Естеріңізге сала кетейік, Димаштың концерті техникалық ақаулардан басталды. Нұр-Сұлтандағы "Арнау" шоуындағы нөмірлердің бірін Димаш Құдайберген досына Денис Тенге арнады. Концерттің қонағы болған Игорь Крутой Қазақстанға деген сүйіспеншілігін білдірді.