Ресей Қазақстанға ластанған мұнай үшін 30 млрд теңгеге жуық өтемақы төлейтін болды

Ресейлік "Транснефть" компаниясы қазақстандық "Қазтрансойл" мекемесіне ластанған мұнай үшін өтемақы төлейтін болды. Келтірілген шығын мұнайдың бір барреліне 15 доллар болып белгіленген. Осылайша жалпы сома 76 млн долларды немесе 28,9 млрд теңгені құрап отыр деп хабарлайды Deutsche Welle басылымна сілтеме жасаған KAZ.NUR.KZ.

Дереккөздің хабарлауынша, ресейлік тарап сапаның жоғалуы мен мұнайдың ұзақ тұрып қалуы үшін келтірілген шығынды өтеуі қажет.

Айта кетейік, бұған дейін энергетика министрлігінің мәліметінше, 15 сәуір мен алтыншы мамыр аралығында Усть-Луга порты арқылы қазақстандық өндірушілердің қорынан 598,9 тонна ластанған мұнайдың тиелгені белгілі болды.