Сапархан Омаров: Шетелдіктерге жер сатылмайды

ҚР Ауыл шаруашылығы министрі Сапархан Омаров шетелдіктерге жерді сату туралы қауесетке түсініктеме берді. Оның айтуынша, бұл ақпарат жалған.

"Шынында да, соңғы уақытта Интернетте жер шетелдіктерге сатылып жатқаны туралы ақпарат көп. Мен бүгінгі күні шетелдіктерге жер жеке меншікке сатылмайды және тіпті уақытша пайдалануға берілмейді деп бірден айтқым келеді. Алдағы уақытта да жер шетелдіктерге сатылмайды", - деп сендірді министр, ведомствоның елдегі Фитосанитарлық қауіпсіздік жағдайы туралы есеп берген Орталық коммуникациялар қызметіндегі брифинг барысында журналистердің сұрақтарына жауап бере отырып.

Сапархан Омаров зиянкестер мен арамшөптермен күрес бойынша жүргізіліп жатқан жұмыстар туралы айтып берді. Оның мәліметінше, бүгін Қазақстанда 12 аса қауіпті зиянды организмдер мен 11 карантиндік объектілерге қарсы іс-шаралар жүргізілуде. Бұл мақсатқа республикалық бюджеттен 3,5-тен 7,2 млрд теңгеге дейін бөлінеді.

Министр атап өткендей, жыл сайын Қазақстанда зиянкестердің таралу аумағы азаюда. Көп жағдайда бұл қабылданатын шаралардың тиімділігі есебінен жүзеге асады.

"Карантиндік, фитосанитарлық шараларды жедел жүргізудің арқасында аса қауіпті зиянды организмдер мен карантиндік объектілердің таралу аумағы 2 есеге - 2015 жылы 7,3 млн. гектардан ағымдағы жылы 3,9 млн. гектарға дейін төмендеуде. Мысалы, үйірлі шегірткелердің таралу көлемі 3,5 есеге, америкалық көбелектердің таралуы - 20 есеге қысқарды. Сондай - ақ, тікенек пасленінің карантиндік арамшөптерінің ошақтары жойылды", - деді Сапархан Омаров.

2019 жылы 3,9 млн. га жерге өңдеу жұмыстары жүргізімек. Оның 2,3 млн. гектары дәнді дақылдар ауруларынан және 950,4 мың гектары-шегіртке тектес зиянкестерден.

"Қазіргі таңда марокктық шегірткеге қарсы химиялық өңдеу толығымен аяқталды. 7,3 мың га өңделді, оның 5 мыңы - Түркістан облысында, ал 2,3 мың га – Жамбыл облысында. Итальяндық прус пен азиялық шегірткеге қарсы қорғаныс шаралары жалғасуда. 4 шілдедегі жағдай бойынша, жалпы 500 мың Га жер өңделді", - деп хабарлады АШМ басшысы.

Қазақстандық мамандар шекара маңындағы елдердің өкілдерімен бірлесіп шегірткелердің шоғырланған аумағын анықтау үшін және жүргізілетін жұмыстардың тиімділігін бағалау үшін шекара маңындағы аумақтарды тексеруде.

Ақмола, Қостанай және Солтүстік Қазақстан облыстарында дәнді дақылдардың ауруларына қарсы өңдеуге дайындық жүргізілуде. Фунгицидтердің барлық қажетті көлемі еліміздің басты астық егетін өңірлеріне жеткізілді.