Алматыда "Nur Otan" партиясының"Biz birgemiz" атты митингісі басталды

Алматыда "Nur Otan" партиясының ел ішіне іріткі салып, мемлекеттің тұрақтылығы мен тыныштығын бұзғысы келетіндерге қарсы "Biz birgemiz!" атты митингісі басталды.

Алматыдағы "Сарыарқа" кинотеатрының артындағы гүлзарда өтіп жатқан бұл шараға екі мыңнан астам адам жиналып, қоғам белсенділері өз ойларын бүкпесіз ортаға салуда.

Жиналған қауым ішінен қала жұртшылығының түрлі әлеуметтік топтарын байқауға болады. Олардың қатарында партия өкілдері де, қарапайым еңбек адамдары да, зиялы қауым да, кәсіпкерлер де, көпбалалы аналар мен жастар да, ғылым мен мәдениет саласының қызметкерлері де бой көрсетті.