Тамара Дүйсенова қызметінен босатылды
Опубликовано:
Тамара Дүйсенова басқа жұмысқа ауысуына байланысты "Nur Otan" партиясының хатшысы қызметінен босатылды. Бұл туралы партия төрағасының бірінші орынбасары Бауыржан Байбек Twitter парақшасында мәлімдеді деп хабарлайды KAZ.NUR.KZ.
"Ол бір жарым жылдың ішінде партияның сайлауалды тұғырнамасы мен халықтың әл-ауқатын арттыруға бағытталған әлеуметтік бастамаларды жүзеге асыруға үлкен үлес қосты. Нәтижелі еңбегі үшін Тамара Қасымқызына партия басшылығының атынан алғыс білдіріп, алдағы қызметіне табыс пен сәттілік тілеймін", - деп жазды Байбек.
Айта кетейік, Дүйсенова Nur Otan" партиясының хатшысы қызметіне 2019 жылдың ақпан айында тағайындалған. Бұған дейін ол Еңбек және халықты әлеуметтік қорғау министрі болды.
Мақаланың түпнұсқасы: https://kaz.nur.kz/politics/1803686-tamara-djsenova-kyzmetinen-bosatyldy/
