RU

Қарсыласын 14 секундта сұлатқан Қанат Ислам әлемдік рейтингке қайта оралды

Қазақстандық кәсіпқой боксшы Қанат Ислам BoxRec.com порталының әлемдік рейтингіне қайта енді, деп хабарлайды ҚазАқпарат.

Кәсіпқой бокстағы 26 жекпе-жегінде жеңіске жеткеннен кейін отандасымыз супер орта салмақта 88.69 ұпаймен 1561 кәсіпқой боксшы арасында 35-орынға жайғасты.

Сонымен қатар ол өз салмағында қазақстандық кәсіпқой боксшылар арасында көш бастап тұр.

Еске салайық, Қанат Ислам екі жылға жуық үзілістен кейін 5 шілде кәсіпқой рингке қайта оралып, доминикалық қарсыласы Хулио де Хесусты 14 секундта нокаутқа түсірген еді.

Сөйтіп 34 жастағы қазақстандық боксшы орта салмақта WBO Inter-Continental чемпиондық белдігін жеңіп алды. 

Мақаланың түпнұсқасы: https://kaz.nur.kz/1803845-35-si-oryn-kanat-islam-lemdik-rejtingke-kajta-oraldy.html