RU
Асқар Мамин Теңіз кен орнына барды (фото)

Асқар Мамин Теңіз кен орнына барды (фото)

Рассказать Вконтакте

Премьер-министрі Асқар Мамин 17-18 шілде аралығында Атырау облысына жұмыс сапарымен барды. Сапар барысында үкімет басшысы "Теңіз" кен орнының және бірқатар зауыттардың жұмысымен танысты деп хабарлайды KAZ.NUR.KZ.

Фото: primeminister.kz

Фото: primeminister.kz

Үкімет басшысы салынып жатқан "Теңіз" кен орны үшінші буын зауытына барды, ол "Теңізшевройл" ЖШС жүзеге асырып жатқан "Болашақ" кеңейту жобасы аясында салынып жатыр.  

Зауытта жалпы құрылысы жұмыстары, жерасты коммуникацияларын жүргізу, резервуарлар монтажы жүргізіліп жатыр, 23 құрастырмалы модульдік эстакадалар орнатылған. Екі газтрубиналы генератор мен технологиялық модульді құрастыру сәтті аяқталды.

Зауыттың құрылыс алаңында 25 мердігерлік және қосалқы мердігерлік ұйым жұмыс істейді, 3300-ге жуық адам тартылған.

Жоба 2022 жылы аяқталады.

Премьер-министр сонымен қатар Қашаған кен орнын және мұнай өндіріліп, оны "Болашақ" зауытына құбыр желісі бойынша одан әрі тасымалдаумен бірінші реттік сеперация жүргізілетін Д жасанды аралын ұшумен аралады. 

Атырау облысына жұмыс сапары аясында үкімет басшысы жергілікті қамтуды дамыту, мұнайгаз машинажасау, еңбек заңнамасын сақтау мәселелері бойынша кеңес өткізді.

Фото: primeminister.kz

Фото: primeminister.kz

Асқар Мамин ірі жобалар операторларының сатып алуларында жергілікті қамту үлесі өсімді байқатып отырғанын атап өтті, бірақ, қазақстандық машинажасаушылардың өнімдері дамыту толыққанды пайдаланылмай отыр.  

"Бұл жағдай пәрменді шараларды, оның ішінде жобалар операторлары тарапынан да қабылдауды талап етеді", - деді премьер-министр.

Асқар Мамин үкіметтің машинажасауды дамытудың 2019-2024 жылдарға арналған жол картасын қабылдағанын айтты, онда машинажасау кәсіпорындарын салықтық артықшылықтармен, қаржылық және шикізаттық қолдаумен, сондай-ақ білікті кадрлармен қамтамасыз ету бойынша мәселелерді пысықтау қарастырылған.

Кеңесте сонымен қатар еңбек заңнамасының сақталуы мәселелері, атап айтқанда, жер қойнауын пайдаланушылардың кәсіпорындарда жұмыскерлердің қауіпсіз еңбек жағдайлары мен тұруын қамтамасыз ету бойынша мердігерлер мен қосалқы мердігерлерге қатысты вертикальді бақылауды енгізу талқыланды.  

Сонымен қатар өңірге жұмыс сапары барысында премьер-министр "АМӨЗ" ЖШС мұнайды терең өңдеу кешенін, "АтырауМұнайМаш", "Ұлттық индустриялық мұнайхимия технопаркі" АЭА, "Полимер Продакшн", "Kazakhstan Petrochemical Industries Inc", "Karabatan Utility Solutions", "Болашақ" мұнай және газ өңдеу зауытын, "Шеврон Мұнайгаз Инк" түрлі маркалы оптикалық кабель шығаратын зауытты аралады.

Сіздің реакцияңыз
2
1
0
0
0
1
0
Спасибо за Ваше мнение Вы уже голосовали
Тағы да оқыңыздар
Жүктеу...
Mailfire view pixel