RU

Мұғалімдерді қара жұмысқа салған шенеунік жазаланды

Өзбекстанның Наманган облысы Касансай ауданы басшысының орынбасары Мубилло Исомиддинов мұғалімдерді өзен жағалауына бетон құюға мәжбүрлеп, қара жұмысқа салғаны үшін айыппұл арқалады деп хабарлайды Орталық Азияның жаңалықтар қызметі.

Фото: beton-house.com
Фото: beton-house.com: UGC

Бұл туралы Өзбекстанның еңбек қатынастары және жұмыспен қамту министрлігінің баспасөз қызметі хабарлады.

Басылымының мәліметінше, бұған дейін жергілікті ақпарат құралдары аудан басшысы орынбасарының мұғалімдерді қара жұмысқа салғаны туралы хабарлаған болатын. Бетон құюға 80 мұғалім жұмылдырылған.

Шенеунік мектеп қызметкерлерін мәжбүрлеп жұмысқа салғанын мойындаған. Сонымен қатар, ол мұндай әрекетін ендігі қайталамайтынын айтқан.

Орынбасарға 608 190 сом ( шамамен 26 мың теңге) айыппұл салынған.

Мақаланың түпнұсқасы: https://kaz.nur.kz/1806479-mgalimderdi-kara-zmyska-salgan-seneunik-zazalandy.html