RU

Тоқаев браконьерлердің қолынан қаза тапқан азаматтың отбасына көңіл айтты

Қазақстан президенті Қасым-Жомарт Тоқаев браконьерлердің қолынан қаза тапқан азаматтың отбасына көңіл айтты деп хабарлайды KAZ.NUR.KZ.

Бұл туралы мемлекет басшысы Twitter желісіндегі парақшасында жазды.

"Браконьерлермен алпарыста ерлікпен қаза болған қорықшы Қаныш Нұртазиновтың жақындарына шынайы көңіл айтамын. Қаскөйлер ұсталып, сотқа тартылады. Киіктерді атқаны үшін жазаны күшейту қажет. Қаза тапқан Қ.Нұртазинов марапатталатын болады. Егерь С.Оспановтың сауығып кетуін тілеймін", - деді Тоқаев.

Еске сала кетсек, Ақмола облысында браконьерлер шабуылы салдарынан "Охотзоопромның" бір инспекторы қайтыс болып, тағы бірі зардап шекті.

Мақаланың түпнұсқасы: https://kaz.nur.kz/1806663-tokaev-brakonerlerdi-kolynan-kaza-tapkan-azamatty-otbasyna-kil-ajtty.html