RU
"Өте жақсы жігіт": Игорь Крутой Димашпен қалай танысқанын айтып берді

"Өте жақсы жігіт": Игорь Крутой Димашпен қалай танысқанын айтып берді

Рассказать Вконтакте

Әйгілі композитор Игорь Крутой Димаш Құдайберген туралы ойымен бөлісті. Әлемге танылған қазақстандық орындаушы жайында Ресейдің халық әртісі ТАСС агенттігіне берген сұхбатында айтты деп хабарлайды Zakon.kz-ке сілтеме жасаған KAZ.NUR.KZ

Өз сұхбатында ресейлік композитор Димаштың өз шығармашылығына ерекше леп әкелгенін, оның өзіне көмегі барын жасырмай айтты.

"Біздің жоспарымыз өте үлкен, біз бір-бірімізге теңдей ырзамыз. Мен Димаш Құдайбергенге көмектесті деген сөз емес. Ол маған да сондай деңгейде көмек берді. Қай жағынан дейсіздер ме? Менің әнімді тыңдармандарға жеткізу тұрғысынан. Мұны бір ауыз сөзбен жеткізу өте қиын.
Мысалы, ән шықты делік, таңертең қарасаң 2 млн қаралым, тағы бір айналып қарасаң 10 млн... Сұмдық қой. Мен мұндайды бұрын ешқашан көрмеппін. Осының бәрі соның арқасы, менің емес. Мен оған дейін де жақсы әндер жазып, танылып жүрдім ғой. Бірақ тура Димашпен бірге кездегідей ол ауқымды аудиторияны қамтып, тез тараған емес. Сондықтан менің алғысым шексіз оған..." - дейді ол.

Сонымен қатар, композитор Димашпен қалай танысқанын да баяндап беріпті.

"Димаш әкесі екеуі менің досымның әнінің тұсаукесері кезінде қасыма келді. Ол ыңылдап бір әндерді айта бастады маған, сөйтсем ол "Жаңа толқын" фестивалінде қойылған менің әндерімнің барлығын жаттап алыпты. Телевизордың алдында отырып, осы байқауға қатысуды қалай арман еткенін де айтты. Осының бәрін ол қобалжып тұрып, шын пейілімен жеткізді. Жақсы адам екені бірден көрінді. Иә, өте жақсы жігіт, адамгершілігі мол, кез келген қысылмай-қымтырылмай емін-еркін сөйлесе кетеді онымен, - дейді атақты сазгер.

Оған қоса, Ресейдің халық әртісі алдағы жоспарларымен де бөлісті.

"Болашақ жоспарларға келетін болсақ, 26 қазан күні Нью-Йоркте "Барклайс-центерде" өтетін менің мерейтойлық кешімде Димаш танымал болып үлгерген бес-алты таңдаулы әнді айтады, бұдан бөлек тағы біраз жаңасының үстінен жұмыс істеп жатырмыз, - деді Игорь Крутой.

Димаш Құдайберген тамыз айының аяғында Сочи қаласында Игорь Крутой ұйымдастырғалы отырған "Новая волна" фестивалінде, күзде Нью-Йорк, Мәскеу, Минск, Дюссельдорф қалаларында өтетін мерейтой концерттерінде өнер көрсетеді. Бұдан бөлек, қазақ әншісі Ресейдің Санкт-Петербург және АҚШ-тың Нью-Йорк қалаларында жеке концертін өткізеді.

Сұхбат барысында тілші Игорь Крутойды Димаштың Ресейдегі "өкіл әкесі" деп атапты.

Сіздің реакцияңыз
0
1
0
0
0
20
0
Спасибо за Ваше мнение Вы уже голосовали
Тағы да оқыңыздар
Жүктеу...
Mailfire view pixel