Алматы-Хоргос тас жолында көлік жүргізушісі мен жолаушы қайтыс болды

Бүгін 31 шілде күні Алматы-Хоргос тас жолында жантүршігерлік жол апаты орын алып, көлік жүргізушісі мен жолаушы қаза тапты деп хабарлайды zakon.kz сайтына сілтеме жасаған KAZ.NUR.KZ.

Жол апаты тас жолдан 72 шақырым қашықтықта орын алған.

Audi жүргізушісі шығыс бағытпен келе жатып, бұрылыста көлік рөліне ие бола алмаған.

Көлік жүргізушісі жолдағы қоршауды 20 метрге дейін бұзып кеткен. Қоршаудың темірі көлік салонының ішіне кіріп кеткен.

Көлік жүргізушісі мен жолаушы оқиға орнында қайтыс болған. Тағы бір жолаушы ауыр жағдайда ауруханаға жеткізілген. Оны аман алып қалу үшін аяғын кесуге тура келген.