Бокстан әлем чемпионы туған қызын бірнеше жыл зорлағаны белгілі болды

48 жастағы аргентиналық боксшы Карлос Бальдомир туған қызын зорлағаны үшін 18 жылға бас бостандығынан айырылды. Спортшының кінәсі толықтай дәлелденді деп хабарлайды lenta.ru-ға сілтеме жасаған KAZ.NUR.KZ.

Шетелдік БАҚ таратқан ақпаратқа сәйкес, сот орта салмақтағы бұрынғы әлем чемпионының өз қызын 8-9 жасында бірнеше рет зорлағанын дәлелдеді.

Карлос Бальдомирдің бұрынғы әйелі құқық қорғау органдарына 2016 жылы арызданғаны белгілі болды.

Алайда, тек 2019 жылы ған Санта-Фе соты боксшыны 18 жылға темір торға тоғыту туралы үкім шығарды.

Сотта спортшы тәртіпсіздік көрсетіп, жұртқа ортаңғы саусағын көрсетіп, балағат сөздер айтқан.

Айта кетейік, Карлос Бальдомир – орта салмақтағы бұрынғы әлем чемпионы. Ол спорттағы мансабын 2014 жылы аяқтады. Экс-чемпион жұдырықтасқан боксшылардың ішінде Флойд Мейвезер, Сауль Альварес және Вернон Форрест сияқты танымал адамдар бар.