RU

Қазақстанда алдағы үш күнде ауа райы 15 градусқа дейін салқындауы мүмкін

Қазақстанда тамыз айының алғашқы күндері ауа райы тұрақсыз болады деп хабарлайды "Қазгидрометке" сілтеме жасаған KAZ.NUR.KZ.

Фото: NUR.KZ
Фото: NUR.KZ: Original

Cиноптиктердің болжамынша, тамыз айының басында Қазақстан Екатеринбург жақтан келетін циклонның ықпалында болады.

Осыған орай, елдің бірқатар облыстарында 1, 2 және 3 тамыз аралығында ауа райы тұрақсыз болады. Кей жерлерде жауын, солтүстік-батыста нөсер жауын күтіледі.

Ауа температурасы 15-25 градусқа дейін түседі. Ал республиканың кей өңірлерінде бұршақ, күшті жел мен нөсер жауын жауады.

Осылайша, 2 тамыз күні Солтүстік Қазақстан облысында қатты жауын-шашын мен бұршақ күтіледі. Желдің жылдамдығы 15-20, кей жерлерде 23-28 м/с-ке дейін жетеді.

Қостанай облысында да дәл осындай ауа райы сақталады.

2 тамыз күні Қызылорда облысында солтүстік-батыс бағыттағы жел сақталады, оның күші кей жерлерде 15-20 м/с-ке дейін жетеді.

Күннің ыстығы тек Оңтүстік Қазақстан облысында ғана болады. Кей жерлерде ауа райы 40 градус ыстыққа дейін көтеріледі. Ауа райы жауын шашынсыз болады деп күтіліп отыр.

Мақаланың түпнұсқасы: https://kaz.nur.kz/1808828-kazakstanda-aldagy-s-knde-aua-rajy-15-graduska-dejin-salkyndauy-mmkin.html