Желіде көлік бөлшектерін сататын базарды қиратқан бұқаның видеосы тарады

Желіде ашулы бұқаның көлік бөлшектері базарының күл-талқанын шығарып жатқан видеосы тарап кетті. Жануардан зәресі ұшқан дүкен сатушылары жұмыс орындарынан жан-жаққа қашуға мәжбүр болған деп жазады KAZ.NUR.KZ.

Базарды тас-талқан еткен бұқаның видеосы Instagram желісіндегі almaty_dtp_rezerv парақшасында жарияланған.

Автордың жазуынша, бұл жағдай Талғар ауданындағы Гүлдала елді мекенінде көлік бөлшектерін сататын базарда болған.

Бейнежазба авторы жергілікті тауарларға лық толы контейнерлерді қиратқан бұқаны ақыр-соңы тоқтата алғанын жазды.

Сонымен қатар автордың мәліметінше, бұл оқиғадан зардап шеккендер жоқ.