Алматылық ТЖД басшысы Көк-Төбедегі өртті қалай өшіріп жатқанын айтты

Алматы қаласы Төтенше жағдайлар департаментінің басшысы Серік Әубәкіров Көк-Төбеде болып жатқан өртті жою жұмыстарының қалай жүргізіліп жатқанын баяндады. Ол бұл туралы егжей-тегжейлі Facebook-тегі парақшасында мәлімдеді деп хабарлайды KAZ.NUR.KZ.

Әубәкіровтің сөзінше, 30 адам және 6 техника бірлігі қызыл жалынды ауыздықтауға жұмылдырылған. Оқиға орнында су тасу көлігі жұмыс істеп жатыр.

Сондай-ақ, ол өрт шыққан жердің қолайсыз тұстары жұмысқа кедергі келтіріп жатқанын жеткізді.

"Техникалық көліктер жолдан өте алмай жатыр. Жаяу жүріп жұмыс ітсеуге тура келуде", - деп атап өтті мегаполис ТЖД басшысы.

Жеке сектормен шекарада шоғырланған жұмыстар жүргізіліп жатыр екен. Әубәкіровтің айтуынша, өрт оңтүстіктен және оңтүстік-шығыстан, шамамен сағат 17: 31-де шыққан.

Естеріңзге сала кетсек, бұған дейін Алматыда Көк-Төбе телемұнарасына жақын жерде өрт шыққаны туралы хабарлаған болатынбыз.