RU
Ғалымдар: Мерзімінен бұрын туған баланың оқу үлгерімі төмен болады
Жаңалықтар Қоғам

Ғалымдар: Мерзімінен бұрын туған баланың оқу үлгерімі төмен болады

Рассказать Вконтакте

Мерзімінен бұрын туылған және жаз айларында өмірге келген балалардың мектептегі үлгерімі төмен болады. Британиялық ғалымдар тобы жүргізген зерттеулерінің нәтижесінде осындай шешімге келді, деп хабарлайды tass.ru-ға сілтеме жасаған KAZ.NUR.KZ.

Көрнекі сурет: pixabay.com

Көрнекі сурет: pixabay.com

Ұлыбританиядағы Лидс университетінің ғалымдары 10 мыңнан астам мектеп оқушысына қатысты мағлұматтарды талдап шықты. Мамандар баланың туылған уақыты мен оның мектептегі алғашқы оқу жылында көрсеткен үлгерімін басты назарға алды.

Зерттеу нәтижелері мерзімінен бұрын туылған балалардың оқу үлгерімі белгіленген уақытта өмірге келген бүлдіршіндерден екі есе төмен болатынын көрсеткен. Ал жаз айларында туылып, мектепке әдеттегіден бір жыл бұрын барған балалардың үлгерімі үш есе төмен болып шыққан.

Ғалымдар мерзімінен бұрын туылған балалардың кітап оқуға икемі төмен екенін анықтаған. Сондай-ақ олардың математикалық қабілеттері де баяу дамитын көрінеді. Мамандардың айтуынша, бұл қиындықтар балаға ересек өмірге бет бұрған кезінде де кері әсерін тигізеді.

«Осындай балаларға көмек көрсету мақсатында, мектеп мұғалімдері өз оқушыларының туылған мезгілдері жөнінде хабардар болуы қажет. Бұндай мәлімет балаларға бастапқы білім алу кезеңінде қосымша қолдау көрсетуге мүмкіндік береді», – дейді зерттеу авторларының бірі, доктор Кэтрин Петтингер.
Сіздің реакцияңыз
1
1
0
2
0
0
0
Спасибо за Ваше мнение Вы уже голосовали
Тағы да оқыңыздар
Жүктеу...
Пікір
Mailfire view pixel