"Астана су арнасының" бұрынғы басшысы параға үш бөлмелі пәтер алған

Пара орнына үш бөлмелі пәтер алған "Астана су арнасының" бұрынғы басшысына қатысты сот үкімі шықты деп хабарлайды КТК арнасы.

Телеарна мәліметінше, Нұр-Сұлтан қалалық қылмыстық істер жөніндегі мамандандырылған ауданаралық сотының үкімімен "Астана су арнасының" бұрынғы басшысы Уәлихан Досаев 7 жылға бас бостандығын айырылған.

Ол мемлекеттік коммуналдық кәсіпорынның бас директоры болып жұмыс істеген уақытында параны қарамағандағы қызметкері арқылы алған деп хабарлайды телеарна.

"Мекеменің басшысы бола тұрып, "Технополисжилстрой" ЖШС-нің басшысынан "Жас отбасы-2" тұрғын үй кешенінен үш бөлмелі пәтерді ауызбастырыққа алған. Осы параны жылжымайтын мүлікті жауапкершілігі шектеулі серіктестікке беру туралы қосымша келісім шартын жасағаны үшін алыпты", - дейді Сыбайлас жемқорлыққа қарсы iс-қимыл агенттiгi 1-шi департаментiнiң аға тергеушiсi Данияр Бегайдаров.

Досаевт мекемені 2010 жылдан бастап 6 жыл бойы басқарған.

Дереккөз: КТК арнасы