RU

Алматыда инсульт алған науқастың туыстары іздестіріліп жатыр

Telegram logo VKontakte logo

Алматылық дәрігерлер жасы 50-ден асқан әйел адамның аты-жөнін біле алмағандықтан, көпшіліктен көмегіне жүгінді. Науқас инсульт алғандықтан тілі күрмеліп, анық сөйлей алмайды деп хабарлайды КТК арнасы.

Кадр КТК арнасы

Кадр КТК арнасы: Depositphotos

Ақ халаттылардың мәліметінше, әйел адам көктемде денесінің сол бөлігі қолымен бірге жансызданып, ауыр хәлде жедел жәрдеммен ауруханаға жеткізілген.

Бес айдың ішінде оны артынан ешкім іздеп келмеген. Ол жарты жылға жуық Алматы қалалық №4 клиникалық ауруханасының инсульт орталығында ем алған.

"Науқастың жағдайы ауыр. Инсульт деген диагнозбен түскен. Жедел жәрдеммен алып келгенде, қасында туысқандары, жақындары болмады. Сөйлеу қабілеті жоғалған. Сол себептен науқастың есімін біле алмадық", - дейді Алматы қалалық №4 клиникалық ауруханасының невропатологы Олжас Ысқақ.

Қазір тұрғынның денсаулығы бірқалыпты. Үздіксіз бірнеше емдеу курсын қабылдаған соң жағдайы жақсарған. Дәрігерлердің нұсқауы бойынша ақырын қозғалып, Ольга деген есіммен атаса бұрылып қарайды.

Бүгін аты-жөні белгісіз азаматша бейімдеу және сауықтыру орталығына жіберілді.

Науқасты танитын жандар болса, орталық мамандарына хабарласуларыңызды сұраймыз.

Дереккөз КТК арнасы

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

comments icon Пікірлер
Развернуть
Алматыда инсульт алған науқастың туыстары іздестіріліп жатыр