RU
Санжар Жаркешов экология вице-министрі қызметіне келді

Санжар Жаркешов экология вице-министрі қызметіне келді

Рассказать Вконтакте

Қазақстан Республикасы үкіметінің қаулысымен Жаркешов Санжар Серікбайұлы экология, геология және табиғи ресурстар вице-министрі болып тағайындалды. Ведомствода Санжар Жаркешов геология мәселелеріне жетекшілік ететін болады. 

Фото: 100esim.ruh.kz

Фото: 100esim.ruh.kz

Санжар Жаркешов 1986 жылы 24 қазанда Қарағанды облысында туған. 2009 жылы Қазақ экономика, қаржы және халықаралық сауда университетін "қаржы" мамандығы бойынша, ал 2010 жылы - Остин қ. (АҚШ) Техас университетін "мұнайгаз инжинирингі" мамандығы бойынша бітірген. 

Еңбек жолын 2008 жылы Техаста (АҚШ) Остин қаласында Мұнай және геожүйелік инжиниринг орталығының зерттеуші инженері болып бастады, онда 2010 жылға дейін жұмыс істеді.  

2010-2016 жылдары "ExxonMobile" Корпорациясында Калифорния, Колорадо және Техас (АҚШ) штаттарында бұрғылау жөніндегі инженер, Иракта бұрғылау жөніндегі аға инженер, Ресейде (Сахалин аралы) бұрғылау жөніндегі бас инженер, Атырау қаласында аға жобалық инженер болып еңбек етті. 

2016-2018 жылдары - Шотландиядағы Перт қаласында "Merlin ERD" компаниясында кәсіпшілік супервайзерлер басшысы және бұрғылау жөніндегі жетекші инженер болды. 

2018 жылдың наурыз айынан қазірге дейін Ұлыбританияда Лондон қаласында McKinsey and Company компаниясында мұнай өнеркәсібінің жаһандық сарапшысы және басқарушы кеңесшісі болып жұмыс істеді. 

Сіздің реакцияңыз
1
0
0
0
0
0
0
Спасибо за Ваше мнение Вы уже голосовали
Тағы да оқыңыздар
Жүктеу...
Mailfire view pixel