RU

Жаңа министр Біржан Нұрымбетов туралы не білеміз?

Қазақстанда жаңа еңбек және халықты әлеуметтік қорғау министрі тағайындалды. Бұл лауазымға Біржан Нұрымбетов келді. Бұрын аталған қызметті Бердібек Сапарбаев атқарған болатын KAZ.NUR.KZ.

Фото: fprk.kz
Фото: fprk.kz: Depositphotos

Ашық ақпарат көздерінде жаңа министрдің 1968 жылы 19 наурызда өмірге келгені жазылған.

Нұрымбетов Әл-Фараби атындағы Қазақ мемлекеттік университетін "Механика және қолданбалы математика" мамандығы бойынша және Алматы экономика және статистика академиясын "Қаржы" мамандығы бойынша бітірген.

Ол 1993 – 1996 жылдар аралығында – Жамбыл қаласы бойынша салық инспекциясының салық инспекторы, бөлім бастығы;

1996 жылы – Жамбыл облысы әкімінің бірінші орынбасарының кеңесшісі;

1997 жылы – Жамбыл облысы әкімі аппаратының сектор меңгерушісі;

1997 – 2008 жылдар аралығында – "Зейнетақы төлеу мемлекеттік орталығы" РМКК Жамбыл облысы бойынша филиалының директоры;

2008 – 2009 жылдар аралығында – еңбек және халықты әлеуметтік қорғау министрлігінің бақылау және әлеуметтік қорғау комитетінің төрағасы;

2009 – 2012 жылдар аралығында – еңбек және халықты әлеуметтік қорғау вице-министрі;

2012 – 2015 жылдар аралығында – премьер-министр кеңсесі басшысының орынбасары;

2015 – 2017 жылдар аралығында – денсаулық сақтау және әлеуметтік даму вице-министрі;

2017жылы қаңтар айынан бастап еңбек және халықты әлеуметтік қорғау вице-министрі;

2017 жылы желтоқсаннан бастап кәсіподақтар федерациясы төрағасының бірінші орынбасары қызметін атқарды.

Еске сала кетсек, еңбек және халықты әлеуметтік қорғау министрі болған Бердібек Сапарбаев 20 тамызда премьер-министрдің орынбасары болып тағайындады.

Ал үкімет басшысының орынбасары қызметін атқарған Гүлшара Әбдіқалықова мәжіліс депутаты болды.

Ал мемлекет басшысы Қасым-Жомарт Тоқаевтың тиісті қаулысымен Біржан Нұрымбетов Еңбек және халықты әлеуметтік қорғау министрі атанды.

Мақаланың түпнұсқасы: https://kaz.nur.kz/1812066-zaa-ministr-birzan-nrymbetov-turaly-ne-bilemiz.html