Алматыдағы жаппай жол апаты: Бірнеше адам жарақат алды (фото)

Алматыда 21 тамызда жаппай жол апаты болып, бірнеше адам түрлі жарақат алды деп хабарлайды Zakon.kz сайтына сілтеме жасаған KAZ.NUR.KZ.

Жол-көлік оқиғасы Райымбек даңғылы мен Байзақов көшелерінің қиылысында болған.

Жол апатына түскендердің сөзінше, бес көлік қиылыста бағдаршамның жасыл түсі жанғанын күтіп тұрған.

Осы сәтте Volkswagen Passat көлігі Lexus IS 200-ге келіп соққан, сөйтіп Mazda 323 пен Volkswagen Polo көліктеріне де соғылған. Ал, Volkswagen Polo автосы Toyota Highlander көлігіне түйісіп, ол өз кезегінде Mazda 626-ға тиген.

Басқару жүйесі істен шыққан Lexus көшемен әрі қарай кеткен. Жүргізушінің сөзінше, оның газ педалі қысылып қалыпты.

Жол апаты нәтижесінде, бірнеше адам жарақат алды. Зардап шеккен бір адам ауруханаға жеткізілді.