RU
Шымкентте кәсіпкер әйелді аңдып, лифтіде айуандықпен өлтірген қылмыскерге үкім шықты
Жаңалықтар Қоғам

Шымкентте кәсіпкер әйелді аңдып, лифтіде айуандықпен өлтірген қылмыскерге үкім шықты

Рассказать Вконтакте

Шымкентте көпқабатты тұрғын үйлердің бірінің лифтінде келіншекті айуандықпен өлтіріп кеткен азаматқа қатысты сот үкімі шықты деп хабарлайды өңірдегі KAZ.NUR.KZ тілшісі.

ааааа

Көрнекі фото: NUR.KZ

Шымкенттегі қылмыстық істер жөніндегі соты кәсіпкер әйелді өлтірген азаматты 19 жылға бас бостандығынан айыру жазасына кесті.

Сонымен қатар, ол марқұмның отбасына моральдық шығын ретінде 3 миллион теңге төлеуі тиіс.

Айта кетейік, сот үкімі заңды күшіне енген жоқ.

Еске салсақ, қанды оқиға ағымдағы жылдың 11 мамырында Шымкенттегі орталық көшелердің бірі Тәуке хан даңғылындағы көпқабатты үйлердің бірінде орын алды.

48 жастағы ер кісі лифтіде әйелге бірнеше дене жарақатын салып, сөмкесін алып кеткен. Оқиға орнынан бой тасалап, қылмыс ізін жасыру үшін ол қала аумағында бірнеше рет такси ауыстырыпты.

Подъезден шыққан ол бейнебақылау камерасына түсіп қалған және сөмке ішінде кәсіпкер әйелдің ұялы телефоны болған. 

Көп ұзамай полицейлер қылмысқа күдікті ретінде бұрын сотты болған 48 жастағы ер кісіні ұстады. 

Тергеу кезінде ол әйелдің сөмкесінде қомақты қаржы мен алтын бұйымдары бар екенін  білгенін және қылмысқа алдын ала дайындалғанын мойындаған. Және кәсіпкердің ізін аңдыпты. 

Сіздің реакцияңыз
2
1
7
0
0
0
0
Спасибо за Ваше мнение Вы уже голосовали
Тағы да оқыңыздар
Жүктеу...
Пікір
Mailfire view pixel