RU

"Алматыда адамдарды көлікпен таптап кетті": Жантүршігерлік видео пайда болды

Әлеуметтік желілерде көлік жүргізушісінің бір топ адамды қаққаны туралы видео пайда болды. Желі оқырмандарының сөзінше, оқиға Алматыда орын алған деп хабарлайды KAZ.NUR.KZ.

Видеодан кадр
Видеодан кадр: UGC

Видео Instagram желісіндегі almaty_chp тобында жарияланды.

Бірінші бейнежазбада оқиға жоғарыдан түсіріп алынған.

Кадрдан бірнеше жас жігіттерді көліктің қаққанын байқауға болады.

Видеодан кадр
Видеодан кадр: UGC

Екінші роликтен куәгердің шулы оқиғаны таспаға түсіргені көрінеді.

Тас жолға түсіп қалған көліктің мемлекеттік нөмірінен оқиғаның Алматы қаласында өрбігенін аңғару қиын емес.

Видеодан кадр
Видеодан кадр: UGC
Сондай-ақ, кадрдан үш ер азаматтың жерде жатқанынын, әйел адамның дәрігерді шақырып, айқайлағанын байқауға болады.

Куәгерлердің бірі оқиғаның таңғы сағат 4-те Гагарин мен Дружба көшелері қиылысында болғанын жеткізді.

Алматы қаласының полиция департаменті видео-жазбаның тексеріліп жатқанын хабарлады.

Мақаланың түпнұсқасы: https://kaz.nur.kz/1812955-almatyda-adamdardy-klikpen-taptap-ketti-zantrsigerlik-video-pajda-boldy.html