Алматыда жұрттың үрейін ұшырған экстремал қыздардың әке-шешесі айыппұл арқалады
Опубликовано:
Алматыда 10-шы қабаттан аяғын салбыратып отырған қыздардың ата-анасы жазаға тартылды. Желіде қызу талқыға түскен видеоға полиция араласқан болатын деп хабарлайды КТК арнасы.
Телеарнаның мәліметінше, төрт баланың әке-шешесі әкімшілік жаза арқалаған. Яғни олардың әрқайсысы 25 мың теңгеден айыппұл төлеуге міндеттелген.
Егер балалары тағы да басын қатерге тігетін болса, ата-аналары тіпті ата-аналық құқығынан айырылуы мүмкін.
"Негізі, бұл ересектердің қателігі. Кішкентай балаларға "тәйт" демей, осындай іс-әрекеттерге рұқсат етіп отырған. Ата-анасы болсын, сол тұрғын үй кешенінің күзет қызметі болсын, олар – жауапты. Өздерінің шамасы келмесе де, тиісті құзырлы органдарға хабарласуына болатын еді", - деді полицияның ресми өкілі Салтанат Әзірбек.
Естеріңізге салсақ, бұған дейін әлеуметтік желіде тарап кеткен 10-шы қабаттан аяғын салбыратып отырған жасөсіпірім қыздардың видеосы тараған еді.
Кейін Алматы қаласының полиция департаменті оқиғаға қатысты пікір білдірген болатын.
Дереккөз КТК арнасы
Мақаланың түпнұсқасы: https://kaz.nur.kz/society/1813074-almatyda-zrtty-rejin-syrgan-ekstremal-kyzdardy-ke-sesesi-ajyppl-arkalady/