Әйелі 17 мыңдық көйлек үшін кетіп қалған ер азамат жұрттан ақыл сұрады

17 мыңдық көйлекті алып бермегені үшін жұбайы төркініне кетіп қалған ер адам көпшіліктен көмек сұрады. Отбасылық кикілжіңнің оң шешімін таппаған азамат жан сырын otbasysyrlary парақшасында бөліскен деп жазады KAZ.NUR.KZ.

Ер азаматтың айтуынша, шаңырақтарындағы ұрыс-керістің барлығы тойға киіп баратын көйлек үшін шыққан.

"Әйеліммен ұрысып қалғанымызға екі апта болды. 17 мыңдық көйлекті тойға кигісі келетінін айтып жүр еді. Бірақ сол уақытта айлығым кешігіп, алып бере алмадым.

"Достарыңнан қарыз сұра" деп миымды ашытты. Сол үшін ұрысып, ұрып жібердім. Қазір әйелім ұлымды алып, үйден кетіп қалды. Содан бері аш жүрмін. Кешірім сұрап алып келейін бе? Әлде өзі келеді ме? Кеңестеріңіз қажет", - деп жазды отағасы.