RU
Қазақстандық мұғалімдер жалақыдан бөлек қандай үстемақылар алады?

Қазақстандық мұғалімдер жалақыдан бөлек қандай үстемақылар алады?

Рассказать Вконтакте

"Педагог мәртебесі" туралы заң жобасында мұғалімдерге қосымша ақы төлеу қарастырылған. Бұл туралы бүгін білім және ғылым министрі Асхат Аймағамбетов мәлімдеді деп хабарлайды Sputnik Қазақстан.

Қазақстандық мұғалімдер жалақыдан бөлек қандай үстеаұұылар алады?

Асхат Аймағамбетов. Фото: sputniknews.kz

Үкіметте "Педагог мәртебесі туралы" заң жобасын таныстырған министр негізгі материалдық стимулдарға тоқталды.

Құжатқа сәйкес, сынып жетекшілігі мен дәптер тексергені үшін қосымша ақы екі есеге өсіріледі. Педагогикалық шеберлігі үшін де қосымша ақы төлеу қарастырылған.

Сондай-ақ, магистр дәрежесі бар мұғалімдерге 25 мың теңге шамасында үстемақы төленеді.

"Сынып жетекшілігі үшін 173 мың мұғалімнің, ал дәптер тексергені үшін 165 мың мұғалімнің қосымша ақысы екі есеге артады. 212 мыңнан астам қызметкердің біліктілік санаты айлық жалақыдан 30-дан 50 процентке дейінгі мөлшерде қосымша ақы алуына мүмкіндік береді. 7 мың қызметкерге магистр дәрежесі үшін 10 АЕК мөлшерінде қосымша ақы төленеді", - деді Аймағамбетов үкімет отырысында.

Бұдан бөлек, 18 мың қызметкер тәлімгерлік үшін бір базалық лауазымдық жалақы мөлшерінде қосымша ақы алады.

100 мыңнан астам педагогтің жазғы демалысы 14 күнге ұзарды. Енді олар да 56 күн демалады.

"Ең бастысы, мемлекет басшысының тапсырмасына сәйкес, төрт жыл ішінде жалақыны екі есе өсіру мәселесі де қаралды", - деді министр.

"Педагог мәртебесі" туралы заң жобасында материалдық емес стимулдар да көзделген. Мәселен, мұғалімдердің жүктемесін азайту, ар-намысы мен қадір-қасиетін қорғау кепілдігі, "Қазақстанның еңбек сіңірген ұстазы" мемлекеттік наградасын беру және тағы басқа.

Сондай-ақ, заң жобасына сәйкес, мұғалімдердің балаларына балабақшадан бірінші кезекте орын беріледі.

Сіздің реакцияңыз
9
5
1
1
7
23
4
Спасибо за Ваше мнение Вы уже голосовали
Тағы да оқыңыздар
Жүктеу...
Mailfire view pixel