"Түтіндеді": Алматыда лифтіде қамалып қалған әйелдер мен балалар құтқарылды

Алматы құтқарушылары лифтінің ішінде қалып қойған екі әйел адам мен үш баланы шығарып алды деп хабарлайды қалалық төтенше жағдайлар департаментіне сілтеме жасаған KAZ.NUR.KZ.

Ведомствоның мәліметінше, оқиға 31 тамызда сағат 20:25-те Алатау ауданындағы тұрғын үйдің бірінде орын алған.

"Сағат 20.34-те жеткен құтқарушылар 9 қабатты үйдегі лифтінің кабина ішіндегі электр сымының қысқа тұйықталуы болғанын анықтады. Өрт тұтанбаған", - деді төтенше жағдайлар департаменті.

Лифт ішінде 5 адам болғаны белгілі болды. Олардың үшеуі 12, 8 және 2 жастағы балалар.

Ведомство құтқарушылардың адамдарды лифт ішінен 2 минутта алып шыққанын жеткізді.