Алматыда тұрақтың үстіне ағаш құлап, 4 көліктің быт-шытын шығарды

Медеу ауданында тұрақта тұрған төрт көліктің үстіне үлкен ағаш құлап түсті деп хабарлайды қалалық төтенше жағдайлар департаментіне сілтеме жасаған KAZ.NUR.KZ.

Куәгерлердің бірінің 1 қыркүйек күні сағат 10:00-де 102 және 112 нөміріне хабарласқаны мәлім болды.

Олар Зенков көшесінде ағаш құлағанын жеткізген.

Ведомство оқиға салдарынан 4 көліктің зақымданғанын, зардап шеккендер жоқ екенін атап өтті.

"Шақырту түскен  жерде полиция қызметкерлері, Медеу аудандық төтенше жағдайлар бөлімі, Алматы қаласының құтқару қызметі жұмыс жасауда", - деді төтенше жағдайлар департаменті.