RU
Нұр-Сұлтанда барбершоп клиенті қызметкерлерді бір-бірінің шашын алуға мәжбүрледі

Нұр-Сұлтанда барбершоп клиенті қызметкерлерді бір-бірінің шашын алуға мәжбүрледі

Рассказать Вконтакте

Астанада барбершоптың қызметіне көңілі толмаған ер адам салон қызметкерлерін бір-бірінің шашын алуға мәжбүрлеген. Бұл оқиға бейнеленген видео желіге тарап, полиция оны тексеріп шықты деп хабарлайды ІІМ баспасөз қызметіне сілтеме жасаған KAZ.NUR.KZ.

Кадрлар zhest_kz және JEXEN NEWS видеоларынан алынды

Кадрлар zhest_kz және JEXEN NEWS видеоларынан алынды

Аталған видео "zhest_kz" Instagram-паблигінде пайда болды. Онда барбершоп қызметкерлерінің ұлының шашын алғанына көңілі толмаған ер адам бейнеленген.

Ол қолына бейсбол таяғын ұстап, қызметкерлерді бір-бірінің шашын алдыруға мәжбүрлеген.

Полиция аталған видео тексеріліп, оқиғаға қатыстылардың аты-жөндері анықталғанын хабарлады. ІІМ оқиғаның Нұр-Сұлтан қаласындағы салондардың бірінде орын алғанын растады.

"Әлеуметтік желіде Нұр-Сұлтан қаласында салон қызметкерлері мен клиент арасында дау туғаны бейнеленген видео тарады. Қазіргі уақытта оқиғаға қатысқан адамдар анықталды, сотқа дейінгі тергеу жүргізілуде", – делінген полиция хабарламасында.

Сондай-ақ "Jexen News" Telegram-арнасында тағы бір видео пайда болды. Автордың айтуынша, онда барбершоп қызметкерлеріне көңілі толмаған ер адам бейнеленген. Кадрда соққыға жығылған ер адамның жасаған әрекеті үшін кешірім сұрап жатқаны көрсетіледі.

Тағы да оқыңыздар
Жүктеу...
Mailfire view pixel