Футболдан келесі Әлем чемпионаты 2022 жылы 21 қараша мен 18 желтоқсан арасында Катардың жеті қаласында өтеді. Атап айтқанда, әлемдік мундиальді Лусаил, Доха, Эль-Хаур, Эш-Шамаль, Умм-Салаль, Эр-Райян, Эль-Вакра қалалары қабылдайды деп хабарлайды Life.ru-ға сілтеме жасаған KAZ.NUR.KZ.
ФИФА 22-ші Әлем чемпионатының ресми эмблемасын таныстырды. Презентация Катардан бөлек, әлемнің 23 қаласында өтті.
Ақ пен қою қызыл түсті эмблема араб мәдениетінің байлығын паш ететін дәстүрлі нақышта өрнектелген.
2022 жылғы Әлем чемпионаты эмблемасының презентациясы Доханың алты ғимаратында, Нью-Йорктың Таймс-сквер алаңында, Париждің Солтүстік вокзалында, Берлиннің теміржол стансасында, Лондонның Лестер-сквер алаңында, Мадридтің Кальяо алаңында, Миланның Әлем аркасында және Мәскеудегі Жаңа арбаттың бойында өтті.
Мақаланың түпнұсқасы: https://kaz.nur.kz/sport/football/1814492-futboldan-2022-zylgy-lem-cempionatyny-emblemasy-tanystyryldy-video/
