RU
Садық Әкіжанов премьер-министрдің кеңесшісі болып тағайындалды

Садық Әкіжанов премьер-министрдің кеңесшісі болып тағайындалды

Рассказать Вконтакте

Қазақстан Республикасының премьер-министрінің өкімімен Әкіжанов Садық Санатұлы премьер-министрдің кеңесшісі – баспасөз хатшысы болып тағайындалды деп хабарлайды primeminister.kz-ке сілтеме жасаған KAZ.NUR.KZ.

Көрнекі фото: Otyrar.kz

Көрнекі фото: Otyrar.kz

Премьер-министр кеңсесінің штаттық кестесіне өзгерістер енгізілді.

Премьер-министрдің баспасөз қызметінің басшысы – баспасөз хатшысы лауазымы ҚР Премьер-Министрінің Баспасөз қызметінің басшысы және ҚР Премьер-Министрінің кеңесшісі – баспасөз хатшысы лауазымдарына бөлінді. 

Садық Әкіжанов 1984 жылы Павлодар қаласында туған.

Ол Әл-Фараби атындағы Қазақ ұлттық университетін журналистика мамандығы бойынша тәмамдаған. 

Еңбек жолын 2006 жылы бастаған.

Түрлі жылдары ҚР Президенті мәдениет орталығының "Президенттік институтының" ғылыми қызметкері, ҚР Қоршаған ортаны қорғау министрлігінің Экологиялық саясат және тұрақты даму департаментінің бас сарапшысы, "Қазақстан Республикасының Экологиялық аудиторлары ұлттық палатасы" кәсіби аудиторлық ұйымының экономикалық мәселелер және БАҚ-пен байланыс жөніндегі менеджері, "ҚазАқпарат" ХАА тілшісі қызметтерін атқарды. 

2014 жылғы қыркүйек айынан бастап қазіргі дейін "ҚазАқпарат" ХАА Бейжің қаласындағы тілшілер қосынын басқарды, Шанхай ынтымақтастық ұйымының баспасөз клубының вице-президенті болып сайланды.

"Ақпарат саласының үздігі" төсбелгісімен марапатталған.

Қазақ, орыс, ағылшын және қытай тілдерін меңгерген.

Сіздің реакцияңыз
0
0
0
0
1
1
0
Спасибо за Ваше мнение Вы уже голосовали
Тағы да оқыңыздар
Жүктеу...
Mailfire view pixel