RU
Қазақстандық оқушылардың сөмкесінің салмағы нормадан 2,5 есе артық
Жаңалықтар Қоғам

Қазақстандық оқушылардың сөмкесінің салмағы нормадан 2,5 есе артық

Рассказать Вконтакте

Нұр-Сұлтан қаласы Тауарлар мен көрсетілетін қызметтердің сапасы мен қауіпсіздігін бақылау департаментінің басшысы Сәдуақас Байғабылов БАҚ-та жарияланған ауыр рюкзак астына құлаған оқушыға қатысты материалға түсінік берді деп жазады KAZ.NUR.KZ.

Көрнекі фото: pixabay.com

Көрнекі фото: pixabay.com

Бүгін Департамент мамандары мониторинг барысында Нұр-Сұлтан қаласының 13 мектебіндегі (50 сынып) оқушылардың сөмкесінің салмағын өлшеді.

Өлшеу нәтижелері бойынша 1-3 сыныптардағы рюкзактар салмағы 2-ден 4,5 келіге дейін болған (мектеп кітаптары мен дәптерлеріне қосымша заттардың салмағы 0,5-тен 2 кг-ға дейін); сәйкесінше 4-5 сынып - 2,5-4,15 келі, 6-7 сынып - 3,1-5,0 келі, 8-11 сынып - 3,5-5 келі.

Стандарттарға сәйкес күнделікті оқу жиынтығының салмағы: 1-3 сынып оқушылары үшін - 1,5-2,0 келі; 4-5 сыныптар үшін - 2,0-2,5 келі; 6-7 сыныптар үшін - 3,0-3,5 келі; 8-11 (12) сыныптар - 4,0-4,5 келіден аспауы керек.

Жасалған мониторинг 1-ден 5-ке дейінгі сынып оқушылары сөмкелерінің салмағы белгіленген нормадан 2,5 есе асатынын көрсетті.

Айта кету керек, барлық сөмкелермен бірге мектеп сөмкесінің салмағы баланың жалпы салмағының 10% -ынан аспауы керек, оның ішінде түскі қорап, бөтелке су және ауыстырылатын киім.

Оқушының денсаулығы ата-аналар үшін бірінші кезекте болуы керек, сондықтан артық салмағы бар сөмкелер қауіпті. Тым ауыр рюкзактар оқушының денсаулығына төндіретін нақты қауіптер бар.

Сонымен, қысқа мерзімді жанама әсерлерге мыналар жатады: арқадағы ауырсыну, мойын, иық, қолдың әлсіреуі және ұюы.

Ұзақ мерзімді жанама әсерлері: бас ауруы, бүкірлік және сколиоз, белдің ауырсынуы, балада сүйек өсуі дамуының ауытқуы.

Ата-аналардың оңай әрі қарапайым алдын-алу шараларын қолдануы қауіп-қатерді азайтуға мүмкіндік береді:

  • Әр кеш сайын рюкзакты жинап, қажет емес кітаптар мен дәптерлерді алып, тек қажеттерін салыңыз.
  • Жұмсақ түптелген кітап пен жеңіл папка және қалам салғыштар алыңыз.
  • Рюкзакқа аптасына екі рет ревизия жасап, қоқыстан тазартыңыз: сынған қарындаштар, жазбайтын қаламсаптар, қағаздар және т.б.
  • Оқушыны мүмкіндік болса рюкзакты шеше тұруға үйретіңіз, мәселен, қоғамдық көлікте келе жатқанда және т.б.
  • Оқушыны мектеп сөмкесін сауатты жинауға үйретіңіз: ең ауыр кітаптарды астына, жеңіл оқулықтар мен дәптерлерді, басқа да құралдарды жоғары жағына.

Сонымен бірге, рюкзактың салмағы оқу жүктемесіне байланысты болады.

Осыған байланысты Департамент мамандары тексеру аясында сабақ кестесі гигиеналық нормаларға сәйкес жасалынғанын зерттейді.

Тәртіп бұзушылық анықталған жағдайда мектеп басшылығына қатысты әкімшілік шаралар қолданылады.

Сіздің реакцияңыз
0
2
0
0
0
0
0
Спасибо за Ваше мнение Вы уже голосовали
Тағы да оқыңыздар
Жүктеу...
Пікір
Mailfire view pixel