Қарағандыда 14 жасар бала үш тәуліктен бері табылмай жатыр

Қарағандыда жоғалып кеткен 14 жасар жасөспірімді үш тәуліктен бері іздеп жатыр. Бала кезбелігі үшін жатқызылған сауықтыру орталығынан қашып кеткен деп жазады KAZ.NUR.KZ.

"14 жасар Климовский Давид Андреевич «Шанс» сауықтыру орталығынан 9-қыркүейекте сағат 11:38-де шығып кеткен.

Ол қара жейде , қара шолақ шалбар мен сұр аяқ киімде болған. Бойы 150 сантиметрдей, шашы сары түсті", - деді Қарағанды облысы ПД баспасөз қызметі.

Полиция жасөспірімді көрген немесе оның мекен-жайын білетін адамдардан Қарағанды қаласының орталық полиция бөлімшесіне немесе 51-06-91, 102 нөмірлеріне хабарласуын өтінеді.