RU
29 жасқа дейінгі жастарға пәтер алу үшін қандай құжаттар тапсыру керек?
Жаңалықтар Қоғам

29 жасқа дейінгі жастарға пәтер алу үшін қандай құжаттар тапсыру керек?

Рассказать Вконтакте

Қазақстанда жұмыс істейтін 29 жасқа дейінгі азаматтар сатып алу құқығынсыз 5 жылға жалдамалы баспана ала алады. Баспана алу үшін тапсырылатын құжаттардың толық тізімі жарияланды.

Көрнекі сурет: pixabay.com

Көрнекі сурет: pixabay.com

Жалдамалы баспана алуға үміткерлер Қазақстан Республикасының азаматтары болуы тиіс. Сонымен қатар, орта мектептің оқу бағдарламасын, (және/немесе) техникалық және кәсіптік білім беру ұйымдарының, (және/немесе) орта білімнен кейінгі, (және/немесе) жоғары оқу орны, (және/немесе) жоғары оқу орнынан кейінгі білім беру бағдарламаларын меңгеріп, еңбек етіп жүрген жастар жалдамалы баспана алуға өтініш бере алады.

Жалдамалы баспана алуға өнініш берушілер төмендегі құжаттарды тапсыруы тиіс:

1) Ережеге сәйкес үлгідегі өтініш;

2) Жеке басын куәландыратын құжаттың көшірмесі (түпнұсқасы жеке басын сәйкестендіру үшін ұсынылады);

3) Білімі туралы құжаттың көшірмесі;

4) Неке қию туралы құжаттың көшірмесі (бар болған жағдайда);

5) Балаларының тууы туралы куәліктің көшірмесі (бар болған жағдайда);

6) Өтініш берушіде және отбасының барлық мүшелерінде жылжымайтын мүліктің бар-жоғы туралы анықтама;

7) Жұмыс орнынан анықтама;

8) Өтініш берушінің айлық табысы 40 АЕК-тен кем емес екенін растайтын соңғы алты айдағы табысы туралы анықтама;

9) ҚР Еңбек кодексінің 35 бабына сәйкес еңбек өтілін растайтын құжат;

10) Өтініш берушінің банк шотының болуы және оның нөмірі туралы анықтама, банк шоты бойынша ақшаның қалдығы мен айналымы туралы үзінді көшірмесі;

11) Өтініш берушінің түрлі қызмет саласындағы жетістіктерін растайтын құжаттар (бар болған жағдайда);

12) Кемінде соңғы 2 жыл тұрғылықты жері бойынша тұрақты тіркеуде болуын растау;

13) Өтініш берушінің, оның жұбайының, кәмелетке толмаған балаларының меншік құқығындағы, 2 жыл ішінде сатып алу құқығымен жалдамалы баспанасының болмауын растау;

Жұмысбасты жастарға сатып алу құқығынсыз жалдамалы баспана беру "Нұрлы жер" тұрғын үй құрылысының мемлекеттік бағдарламасында белгіленген талаптарға сәйкес жүзеге асырылады. Ол үкіметтің 2018 жылғы 22 маусымдағы № 372 қаулысымен бекітілген.

Құжаттарды қабылдау 2019 жылдың қараша айынан бастап электронды форматта жүргізіледі.

Еске сала кетейік, аталмыш бағдарлама бойынша осы жылы Нұр-Сұлтанда - 1050 пәтер, Алматыда - 1050 пәтер, Шымкентте - 904 пәтер беріледі.

Сіздің реакцияңыз
0
0
0
2
2
2
0
Спасибо за Ваше мнение Вы уже голосовали
Тағы да оқыңыздар
Жүктеу...
Пікір
Mailfire view pixel