RU

Саңырауқұлақ терушілер екі апта іздеуде болған ер адамның мәйітін тауып алды

Қостанай облысы Меңдіқара ауданындағы орман алқабынан 57 жастағы адамның мәйіті табылды деп хабарлайды ҚазАқпарат.

Саңыруқұлақ терушілер екі апта іздеуде болған ер адамның мәйітін тауып алды
Көрнекі фото: pixabay.com: Facebook

Облыстық полиция департаменті баспасөз қызметінің мәліметінше, ер адам осы жылдың 29 тамызында жоғалып кеткен. Бұл туралы полицияға оның жұбайы хабар беріпті.

«Із-түссіз жоғалып кеткен 57 жастағы ер адамның денесі 8 қыркүйек күні Боровское ауылындағы орман алқабынан табылды. Мәйітті саңырауқұлақ жинаушылар байқап қалған», - деді ведомствоның баспасөз хатшысы Ирина Беженарь.

Қазір осы дерек бойынша тергеу жұмыстары басталды. Сараптамалар тағайындалды.

Мақаланың түпнұсқасы: https://kaz.nur.kz/1815989-sayrauklak-terusiler-eki-apta-izdeude-bolgan-er-adamny-mjitin-tauyp-aldy.html